ქუთაისის წმინდა მეფე დავით აღმაშენებლის სახელობის საეკლესიო საავადმყოფო „ქსენონმა“ საერთაშორისო აკრედიტაცია მოიპოვა.
სერტიფიკატის გადაცემის ოფიციალურ ღონისძიებას კლინიკის მმართველი, ქუთათელ-გაენათელი მიტროპოლიტი იოანე (გამრეკელი), კლინიკური და ადმინისტრაციული ხელმძღვანელი, თანამშრომლები და Accreditation Canada-ის საერთაშორისო და ადგილობრივი ჯანდაცვის ექსპერტები დაესწრნენ. მათ შეხვედრაზე ხაზი გაუსვეს აღნიშნული აღიარების მნიშვნელობას.
„ქსენონი“ რეგიონში ერთადერთი მრავალპროფილური საავადმყოფოა, რომელმაც Accreditation Canada-ის სტანდარტები დააკმაყოფილა.
