ახალგაზრდობის სააგენტოს მიერ ორგანიზებულ საზაფხულო ბანაკებში ყოველკვირეულად იმართება დისკუსიები ახალგაზრდებისთვის საინტერესო და მნიშვნელოვან თემებზე, რომელსაც უზრუნველყოფენ საპატრიარქოს საზოგადოებასთან ურთიერთობის სამსახურის წარმომადგენელი სასულიერო პირები.
მორიგ შეხვედრაზე, რომელიც ამა წლის 6 აგვისტოს ანაკლიის ბანაკში გაიმართა, საუბარი შეეხო 1921 წელს სამშობლოსათვის შეწირული იუნკერების გმირულ თავდადებას და განხილულ იქნა ჭეშმარიტი და ფსევდო პატრიოტიზმი, მოქალაქეობრივი პასუხისმგებლობა და ეროვნული სულისკვეთება.
ფოტო: ნინო სოზაშვილი
