2024 წლის 15-17 მარტს, სრულიად საქართველოს კათოლიკოს-პატრიარქ ილია II-ის ლოცვა-კურთხევით, საქართველოს ეკლესიის დელეგაცია იმყოფებოდა სრულიად ბულგარეთის პატრიარქისა და სოფიის მიტროპოლიტის, უწმინდესი ნეოფიტეს დაკრძალვის ცერემონიალზე.
ვიზიტის ფარგლებში საქართველოს ეკლესიის დელეგაცია ეწვია საქართველოს საელჩოს ბულგარეთში, პეტრიწონის (ბაჩკოვოს) მონასტერს და შეხვდა ბულგარეთში მცხოვრებ ჩვენს თანამემამულეებს.
