საქართველოს საპატრიარქოს საზოგადოებასთან ურთიერთობის სამსახურის ორგანიზებით, დაიწყო პედაგოგების გადამზადების მეორე ეტაპი, რომლის ფარგლებშიც სასულიერო და საერო პირებს ლექცია-სემინარები უტარდებათ.
დღეს, 2023 წლის 15 სექტემბერს, საპატრიარქოში გამართულ სემინარს მასწავლებელთა პროფესიული განვითარების ეროვნული ცენტრის არაფორმალური განათლების მხარდამჭერი პროგრამის მენეჯერი ანი კუდუხაშვილი უძღვებოდა.
გადამზადების პროცესი ორი კვირის განმავლობაში გაგრძელდება. პროექტს საპატრიარქოს საზოგადოებასთან ურთიერთობის სამსახური საქართველოს განათლებისა და მეცნიერების სამინისტროს ჩართულობით ახორციელებს.
