ქალბატონი ლიანა შეწირული 32 წლის განმავლობაში ხელმძღვანელობდა თბილისის პირველ კლასიკურ გიმნაზიას. ამ ხნის მანძილზე მან შეძლო, ეს სასწავლებელი არა რიგით პირველ, არამედ, ფაქტიურად, ღირსებით პირველ სკოლად ქცეულიყო, რადგან თავად იყო გამორჩეული ლიდერი, სითბოს, ნიჭიერების, თავდადებული მოღვაწეობისა და მრავალი სხვა ღირსების მქონე პიროვნება, რომელმაც მომავალ თაობათა აღზრდაში წარუშლელი კვალი დატოვა.
უნდა აღინიშნოს ისიც, რომ ქალბატონი ლიანა ერთ-ერთი პირველი იყო, იმითაც, რომ მისი მონდომებით პირველ კლასიკურ გიმნაზიაში 80-90-იან წლებში აღდგა ისტორიული სამლოცველო და რელიგიის ფაკულტატურული სწავლება, რაც უჩვეულო მოვლენა იყო მაშინდელი სკოლებისათვის.
აღვავლენთ ლოცვებს მისი უკვდავი სულისათვის, რათა უფალმან იგი სავანესა მართალთასა დააწესოს, ხოლო ოჯახის წევრებს, ახლობლებსა და გულშემატკივართ მიმადლოს ქალბატონი ლიანა შეწირულისთვის სულიერი შეწევნის ძალა.
ილია II, სრულიად საქართველოს კათოლიკოს-პატრიარქი
31.03.2024
.jpg)
.jpg)
.jpg)
.jpg)
_და_დიაკონი_გიორგი_გულორდავა._23_.11_.2023_._.jpg)
