დიდია გულისტკივილი ჩვენი სულიერი შვილის, ქალბატონ მანანა დოიჯაშვილის გარდაცვალების გამო.
ვუსამძიმრებთ ოჯახს, ახლობლებს, კონსერვატორიას (სადაც იგი მოღვაწეობდა) და ყველას, ვისთვისაც ძვირფასი არის ეს პიროვნება.
ქ-ნმა მანანა დოიჯაშვილმა დიდი ღვაწლი დასდო მუსიკალურ-საშემსრულებლო ხელოვნებისა და მუსიკალური პედაგოგიკის განვითარებას საქართველოში და მოგვცა მაგალითი მაღალი პროფესიონალიზმისა და მაღალი სულიერებისა, რაც სამწუხაროდ, ჩვენს დროში იშვიათობაა.
აღსანიშნავია, აგრეთვე, მისი და მისი მეგობრის, რამდენიმე წლის წინ გარდაცვლილი გამორჩეული ქალბატონის, - მანანა ანდრიაძის თანადგომა და სიყვარული ეკლესიისადმი.
აღვავლენთ ლოცვებს, რათა უფალმა მართალთა თანა განუსვენოს მანანა დოიჯაშვილის უკვდავ სულს, ხოლო მის ოჯახსა და ახლობელთ მომადლოს მხნეობა და ლოცვის ძალა.
ილია II, სრულიად საქართველოს კათოლიკოს-პატრიარქი
21.01.2023
.jpg)
.jpg)
.jpg)
.jpg)
.jpg)
_page-0001.jpg)
.jpg)
.jpg)
_და_დიაკონი_გიორგი_გულორდავა._23_.11_.2023_._.jpg)
