აღნიშნულ ინფორმაციას ინტერნეტგვერდი err.ee ავრცელებს.
ტალინისა და სრულიად ესტონეთის მიტროპოლიტმა ევგენიმ პოლიციის დეპარტამენტსა და სასაზღვრო დაცვაში, მისთვის ბინადრობის უფლების შეწყვეტასთან დაკავშირებით საპროტესტო წერილები გაგზავნა.
მიტროპოლიტ ევგენის მხარდასაჭერად ქვეყნის ლუთერანულმა თემმა განცხადება გააკეთა, სადაც აღნიშნა, რომ ესტონეთის მართლმადიდებელი ეკლესიის წინამძღვრისთვის მთავრობის მხრიდან წაყენებული ულტიმატუმი არის დაუშვებელი, წარმოადგენს ეკლესიის ცხოვრებაში ხელისუფლების ჩარევის ნიმუშს და საფრთხის შემცველია ესტონეთის სხვა რელიგიური კონფესიებისათვის.
