2024 წლის 4 თებერვალს, ქ. ლარისაში საბერძნეთის მართლმადიდებელი ეკლესიის კუთვნილი საკათედრო ტაძარი შეურაცხყვეს. ვანდალებმა კედლებზე ლგბტ იდეოლოგიის მხარდამჭერი ლოზუნგები დაჯღაბნეს.
ტაძარი ქ. ლარისას მფარველის, წმინდა აქილე ლარისელის (ხსენება ახ. სტ. 28 მაისს) სახელობისა. ვანდალიზმი გეი-ქორწინების ლეგალიზაციის კანონპროექტზე საბერძნეთის მართლმადიდებელი ეკლესიის სინოდალური განჩინების წაკითხვის წინა დღეს მოხდა.
შეურაცხმყოფელი წარწერები მიემართებოდა მართლმადიდებლურ სარწმუნოებას, ლარისას მიტროპოლიტ იერონიმეს.
ზოგიერთი წარწერის შინაარსი ასეთია: "საბერძნეთი კვდება", ხოლო ადამიანები "ოჯახების, რელიგიის და მღვდლების ჯოჯოხეთში ცხოვრობენ"; "არა ძალადობას! კი ლესბოსელობას!"
მთავარი შესასვლელის წინ ვანდალებმა ლარისას მიტროპოლიტის და ყოვლადწმიდა ღვთისმშობლის მისამართით სალანძღავი სიტყვები დაწერეს.
ლარისას მიტროპოლიტი იერონიმე ერთ-ერთია იმ ბერძენი იერარქებიდან, რომლებიც გადაჭრით ეწინააღმდეგებიან მთავრობის ინიციატივას. სწორედ მან მოუწოდა ეკლესიას არ შეწყვიტოს ბრძოლა ქორწინების ახალი ფორმის წინააღმდეგ მას შემდეგაც კი, თუკი პარლამენტი მაინც დაამტკიცებს.
