უკრაინაში რუსეთის საომარ მოქმედებების შედეგად კიდევ ორი ტაძარი დაზიანდა
უკრაინაში რუსეთის მიერ მიმდინარე საომარ მოქმედებების შედეგად კიდევ ორი ტაძარი დაზიანდა.
ქ. ნიკოლაევის გემთმშენებლობის სახელმწიფო უნივერსიტეტში რაკეტის ჩამოვარდნის შედეგად დაზიანდა მოსკოვის საპატრიარქოს უკრაინული მართლმადიდებელი ეკლესიის დიდმოწამე ეკატერინეს სახელობის ტაძარი.
წმინდა ეკატერინეს სახელობის ორსართულიანი ეკლესია რამდენიმე წლის წინ აშენდა და არქიტექტურით გამოირჩევა. მისი პირველი სართული ღირსი იობის, პოჩაევოს იღუმენის სახელობისაა და მთლიანად მიწის ქვეშ არის მოქცეული.
დონეცკში, მაცხოვრის ფერიცვალების სახელობის საკათედრო ტაძარში, სარაკეტო იერიშის შედეგად ჩამსხვრეულია შუშები და დაზიანებულია ფასადი. ტაძრის ტერიტორიაზე მიმოფანტულია რაკეტის ნამსხვრევები. საბედნიეროდ, არავინ გარდაცვლილა.
აღნიშნულის შესახებ ინფორმაციას მოსკოვის საპატრიარქოს უკრაინული მართლმადიდებელი ეკლესიის საინფორმაციო ცენტრი ავრცელებს.
წყარო - https://bit.ly/3JpjKZa
