2024 წლის 24 მარტს, საქართველოს მართლმადიდებელი ეკლესიის ავტოკეფალიის აღდგენისა და მსოფლიო საპატრიარქოს მიერ ჩვენი ეკლესიის ისტორიული ავტოკეფალიის აღიარების დღესთან დაკავშირებით, საპატრიარქოს საზოგადოებასთან ურთიერთობის სამსახურის ორგანიზებით თბილისის საკრებულოში ღონისძიება გაიმართა.
აღნიშნულ შეხვედრას თბილისის სხვადასხვა სკოლების დირექტორები და პედაგოგები დაესწრნენ, რომელთაც წარედგინათ პროექტი, რომლის ფარგლებშიც საპატრიარქოს საზოგადოებასთან ურთიერთობის სამსახური ახორციელებს სხვადასხვა კულტურ-საგანმანათლებლო წარმოდგენებს.
ღონისძიებაზე შეკრებილთათვის ორგანიზატორებმა წარმოადგინეს რეჟისორ გოგა თავაძის მიერ სრულიად საქართველოს კათოლიკოს-პატრიარქ ამბროსი აღმსარებლის (ხელაია) ცხოვრებისა და მოღვაწეობის მიხედვით დადგმული სპექტაკლი.
ფოტო: ნინო სოზაშვილი
